Click on a word to bring up parses, dictionary entries, and frequency statistics
39. Romanos prime sustinebant in angustiis
Lacedaemonii, ternaeque acies tempore uno locis
diversis pugnabant; deinde crescente certamine
nequaquam erat proelium par.
[2]
missilibus enim
Lacedaemonii pugnabant, a quibus se et magnitudine scuti perfacile Romanus tuebatur miles, et
quod alii vani, alii leves admodum ictus erant.
[3]
nam
propter angustias loci confertamque turbam non
modo ad emittenda cum procursu, quo plurimum
concitantur, tela spatium habebant, sed ne ut de
gradu quidem libero ac stabili conarentur.
[4]
itaque
ex adverse missa tela nulla in corporibus, rara in
[p. 520]
scutis haerebant;
[5]
ab circumstantibus ex superioribus1 locis vulnerati quidam sunt; mox progressos iam
etiam ex tectis non tela modo sed tegulae quoque
inopinantes perculerunt.
[6]
sublatis deinde supra
capita scutis continuatisque ita inter se, ut non modo
ad caecos ictus sed ne ad inserendum quidem ex
propinquo telum loci quicquam esset, testudine facta
subibant.
[7]
et primae angustiae paulisper sua hostiumque refertae turba tenuerunt; postquam in
patentiorem viam urbis paulatim urgentes hostem
processere, non ultra vis eorum atque impetus
sustineri poterant.
[8]
cum terga vertissent Lacedaemonii et fuga effusa superiora peterent loca,
Nabis quidem, ut capta urbe trepidans, quanam ipse
evaderet circumspectabat;
[9]
Pythagoras cum ad
cetera animo officioque ducis fungebatur, tum vero
unus ne caperetur urbs causa fuit; succendi enim
aedificia proxima muro iussit.
[10]
quae cum momento
temporis arsissent, ut adiuvantibus ignem, qui alias
ad exstinguendum opem ferre solent, ruere in
Romanos tecta,
[11?]
nec tegularum modo fragmenta sed
etiam ambusta tigna ad armatos pervenire et flamma
late fundi, fumus terrorem etiam maiorem quam
periculum facere.
[12]
itaque et qui extra urbem erant
Romanorum, tum maxime impetum facientes,
[p. 522]
recessere a muro, et qui iam intraverant, ne incendio2 ab tergo oriente intercluderentur ab suis, receperunt sese;
[13]
et Quinctius, postquam quid rei esset vidit,
receptui canere iussit. ita iam capta prope urbe
revocati in castra redierunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.