previous next

Click on a word to bring up parses, dictionary entries, and frequency statistics

39. Claudium consulem, profectum tandem ab urbe, inter portus Cosanum Loretanumque atrox vis tempestatis adorta in metum ingentem adduxit. [2] Populonium inde cum pervenisset stetissetque ibi, dum reliquum tempestatis exsaeviret, Ilvam insulam et ab Ilva Corsicam, a Corsica in Sardiniam traiecit. Ibi superantem Insanos montes multo et1 saevior et infestioribus locis tempestas adorta disiecit classem. [3] multae quassatae armamentisque spoliatae naves, quaedam fractae. ita vexata ac lacerata classis Carales tenuit. ubi dum subductae reficiuntur naves, hiems oppressit circumactumque anni tempus, et nullo prorogante imperium privatus Ti. Claudius classem Romam reduxit. [4] M. Servilius, ne comitiorum [p. 514] causa ad urbem revocaretur, dictatore dicto C.2 Servilio Gemino, in provinciam est profectus. dictator magistrum equitum P. Aelium Paetum dixit. [5] saepe comitia indicta perfici tempestates prohibuerunt; itaque cum pridie idus Martias veteres magistratus abissent,3 novi suffecti non essent, res publica sine curulibus magistratibus erat.

[6] T. Manlius Torquatus pontifex eo anno mortuus; in locum eius suffectus C.4 Sulpicius Galba. ab L. Licinio Lucullo et Q. Fulvio aedilibus curulibus ludi Romani ter toti5 instaurati. [7] pecuniam ex aerario scribae viatoresque aedilicii clam egessisse per indicem6 damnati sunt, non sine infamia Luculli aedilis. [8] P. Aelius Tubero et L. Laetorius aediles plebis vitio creati magistratu se abdicaverunt, cum ludos ludorumque causa epulum Iovi fecissent et signa tria7 ex multaticio argento facta in Capitolio posuissent. cerialia ludos dictator et magister equitum ex senatus consulto fecerunt.

1 et CBDA3VJK Froben 2: om. AN Aldus.

2 A.U.C. 552

3 abissent CBDANJK Aldus, Froben: -essent N2V.

4 C. CA3JK Froben 2: Cn. N3V: om. BDAN Aldus.

5 ter toti CBDAN Aldus: tertio A3NOVJK Froben 2.

6 indicem, after this z Aldus, Froben, Eds. add comperti; om. by CBDANVJK Alschefski, Conway.

7 tria A6 Aldus, Frobetn: aerea C: (signa)ria BDAN: militaria A3JK.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Summary (English, Frank Gardener Moore, Professor Emeritus in Columbia University, 1949)
load focus Summary (Latin, W. Weissenborn, H. J. Müller, 1884)
load focus Summary (Latin, Frank Gardener Moore, Professor Emeritus in Columbia University, 1949)
load focus Latin (Robert Seymour Conway, Stephen Keymer Johnson, 1935)
load focus English (Cyrus Evans, 1850)
load focus Latin (W. Weissenborn, H. J. Müller, 1884)
load focus English (Frank Gardener Moore, Professor Emeritus in Columbia University, 1949)
load focus English (Rev. Canon Roberts, 1912)
hide References (61 total)
  • Commentary references to this page (4):
    • Titus Livius (Livy), Ab urbe condita libri, erklärt von M. Weissenborn, books 31-32, commentary, 31.4
    • Titus Livius (Livy), Ab urbe condita libri, erklärt von M. Weissenborn, books 33-34, commentary, 33.24
    • Titus Livius (Livy), Ab urbe condita libri, erklärt von M. Weissenborn, books 33-34, commentary, 33.42
    • Titus Livius (Livy), Ab urbe condita libri, erklärt von M. Weissenborn, books 43-44, commentary, 44.17
  • Cross-references to this page (47):
  • Cross-references in general dictionaries to this page (10):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: