Click on a word to bring up parses, dictionary entries, and frequency statistics
29. iam Hadrumetum pervenerat1 Hannibal; unde, ad reficiendum ex iactatione maritima militem
paucis diebus sumptis, excitus pavidis nuntiis omnia
circa Carthaginem obtineri armis adferentium, magnis
itineribus Zamam contendit.
[2]
Zama quinque dierum
[p. 470]
iter ab Carthagine abest. inde praemissi speculatores2 cum excepti ab custodibus Romanis deducti ad Scipionem essent, traditos eos tribuno3 militum, iussosque omisso metu visere omnia, per castra qua vellent circumduci iussit;
[3]
percunctatusque satin4 per commodum5 omnia explorassent, datis qui prosequerentur, retro ad Hannibalem dimisit.
[4]
Hannibal nihil quidem eorum quae nuntiabantur—nam et Masinissam cum sex milibus peditum, quattuor equitum venisse eo ipso forte die adferebant—, laeto animo audivit,6 maxime hostis fiducia, quae7 non de nihilo profecto concepta esset, perculsus.8
[5]
itaque quamquam et ipse causa belli erat et adventu suo turbaverat et pactas indutias et spem foederum, tamen, si integer quam si victus peteret pacem, aequiora9 impetrari posse ratus, nuntium ad Scipionem misit, ut conloquendi secum potestatem faceret.
[6]
id utrum sua sponte fecerit an publico consilio, neutrum cur adfirmem habeo.
[7]
Valerius Antias [p. 472] primo proelio victum eum ab Scipione, quo duodecim10 milia armatorum in acie sint11 caesa, mille et septingenti capti, legatum cum aliis decem legatis tradit in castra ad Scipionem venisse.
[8]
ceterum Scipio cum conloquium haud abnuisset,
ambo ex composito duces castra protulerunt, ut
coire ex propinquo possent.
[9]
Scipio haud procul
Naraggara12 urbe, cum ad cetera loco opportune tum
quod aquatio intra teli coniectum erat, consedit.
[10]
Hannibal tumulum a quattuor milibus inde, tutum
commodumque alioqui, nisi quod longinquae aquationis erat, cepit. Ibi in medio locus conspectus
undique, ne quid insidiarum esset, delectus.
1 pervenerat VJK Aldus, Froben: venerat P(3)N.
2 A.U.C. 552
3 tribuno A3VJK (cf. polyb. XV. v. 5): -nis P(3)n Aldus, Froben.
4 satin A3JK Aldus, Froben: satin si V: statim P(3)N: statim si N3.
5 per commodum P(3)NV: -mode N3JK Aldus, Froben.
6 audivit VJK Aldus, Froben: audit P(3)N.
7 fiducia, quae Aldus, Froben, Gronovius, Conway: -ciaque P(3)NVJK (P(3)n having si before hostis): fiducia audaciaque Weissenborn, Madvig.
8 esset, perculsus Gronovius, Conway: est perculsus VJK Aldus, Froben: percussus est P(3)n Weissenborn, Madvig: perculsus est C5A3 Luchs.
9 aequiora P(3)n Aldus: -orem A3VJK Froben 2.
10 A.U.C. 552
11 sint VJK: sunt P(3)N.
12 Naraggara P(3)N; naggara N1; narcara VJK: (μάργαρον Polybius XV. v. 14).
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.