Click on a word to bring up parses, dictionary entries, and frequency statistics
13. premebat reum praeter volgatam invidiam
crimen unum, quod M. Volscius Fictor, qui ante
aliquot annos tribunus plebis fuerat, testis exstiterat
se,
[2?]
haud multo post quam pestilentia in urbe fuerat,
[p. 46]
in iuventutem1 grassantem in Subura incidisse. ibi2 rixam natam esse, fratremque suum maiorem natu, necdum ex morbo satis validum, pugno ictum ab
Caesone cecidisse;
[3]
semianimem inter manus domum
ablatum mortuumque inde arbitrari, nec sibi rem exsequi tam atrocem per consules superiorum annorum
licuisse. haec Volscio clamitante adeo concitati homines sunt ut haud multum afuerit quin impetu populi
Caeso interiret.
[4]
Verginius arripi iubet hominem et
in vincula duci. patricii vi contra vim resistunt.
T. Quinctius clamitat, cui rei capitalis dies dicta sit
et de quo futurum propediem iudicium, eum indemnatum indicta causa non debere violari.
[5]
tribunus
supplicium negat sumpturum se de indemnato; servaturum tamen in vinculis esse ad iudicii diem ut,
qui hominem necaverit, de eo supplicii sumendi copia
populo Romano fiat.
[6]
appellati tribuni medio decreto
ius auxilii sui expediunt: in vincla conici vetant; sisti
reum, pecuniamque ni sistatur populo promitti placere
pronuntiant.
[7]
summam pecuniae quantam aequum
esset promitti, veniebat in dubium; id ad senatum
reicitur. reus, dum consulerentur patres, retentus
in publico est.
[8]
vades dari3 placuit; unum vadem tribus milibus aeris obligarunt;4 quot darentur [p. 48] permissum tribunis est. decem finierunt. tot vadibus5 accusator vadatus est reum. hic primus vades publico6 dedit. dimissus e foro nocte proxima in Tuscos in exsilium abiit.
[9]
iudicii die cum excusaretur solum vertisse exsilii causa, nihilo minus Verginio comitia habente collegae appellati dimisere concilium.
[10]
pecunia a patre exacta crudeliter, ut divenditis
omnibus bonis aliquamdiu trans Tiberim veluti
relegatus devio7 quodam tugurio viveret.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.