Click on a word to bring up parses, dictionary entries, and frequency statistics
7. Scipioni1 ut nuntiatum est in maiore discrimine Locris rem verti ipsumque Hannibalem adventare,
[2?]
ne praesidio2 etiam periclitaretur, haud facili inde receptu, et ipse a Messana L. Scipione fratre in praesidio ibi relicto, cum primum aestu fretum
inclinatum est,...3 naves mari secundo misit. [p. 234]
[3]
et4 Hannibal a Buloto amni—haud procul is ab5 urbe Locris abest—nuntio praemisso ut sui luce prima summa vi proelium cum Romanis ac Locrensibus consererent, dum ipse aversis omnibus in eum tumultum ab tergo urbem incautam adgrederetur, ubi luce coeptam invenit pugnam,
[4?]
ipse nec in arcem se includere, turba locum artum inpediturus, voluit,
neque scalas quibus scanderet6 muros attulerat.7
[5]
sarcinis in acervum coniectis cum haud procul muris ad terrorem hostium aciem ostendisset, cum equitibus Numidis circumequitat8 urbem, dum scalae quaeque alia ad oppugnandum opus erant parantur, ad visendum qua maxime parte adgrederetur.
[6]
progressus ad murum, scorpione icto qui proximus eum forte steterat, territus inde tam periculoso casu receptui canere cum iussisset, castra procul ab ictu teli communit.
[7]
classis Romana a Messana Locros aliquot horis die9 superante accessit; expositi omnes e navibus et ante occasum solis urbem ingressi sunt.
[8]
postero die coepta ex arce a Poenis pugna, et Hannibal iam scalis aliisque omnibus ad oppugnationem paratis subibat muros, cum repente in eum nihil minus quam tale quicquam timentem patefacta porta erumpunt Romani.
[9]
ad ducentos, improvidos cum invasissent, occidunt; ceteros Hannibal, ut consulem [p. 236] adesse sensit. in castra recipit,10 nuntioque misso ad11 eos qui in arce erant ut sibimet ipsi consulerent, nocte motis castris abiit.
[10]
et qui in arce erant, igni iniecto tectis quae tenebant, ut is tumultus hostem moraretur, agmen suorum fugae simili cursu ante noctem adsecuti sunt.
1 Scipioni P(1)n Aldus, Froben: scipio AxHJK Sigonius.
2 praesidio P(1)N1: praesidium C4M1?A3?JK Aldus, Froben.
3 here a numeral seems to have been omitted, Weissenborn conj., Conway.
4 Et HJK Aldus, Froben: om. P(1)N.
5 A.U.C. 549
6 both verbs are plural in HJK Froben 2.
7 both verbs are plural in HJK Froben 2.
8 -equitat P2(3)R2: -equitabat HJK Aldus, Froben, Luchs: -equitib. at P.
9 die cx Gronovius: dici or diei P(1)N: multo die Weissenborn conj., Conway: multa die A3HV1JK Aldus, Froben.
10 recipit P(1)n Froben 2: recepit B2NSHJK Aldus.
11 A.U.C. 549
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.