Click on a word to bring up parses, dictionary entries, and frequency statistics
6. dictator postquam Romam venit, C. Sempronium Blaesum legatum, quem ad Capuam habuerat,
in Etruriam provinciam ad exercitum misit in locum
C. Calpurni praetoris, quem, ut Capuae exercituique
suo praeesset, litteris excivit.
[2]
ipse comitia in
quem diem primum potuit edixit; quae certamine
inter1 tribunos dictatoremque iniecto perfici non potuerunt.
[3]
Galeria iuniorum, quae sorte praerogativa erat, Q. Fulvium et Q. Fabium consules
dixerat, eodemque iure vocatae inclinassent, ni se2 tribuni plebis C. et L. Arrenii interposuissent,
[4?]
qui neque magistratum continuari satis civile esse
aiebant, et multo foedioris exempli eum ipsum
creari qui comitia haberet;
[5]
itaque si suum nomen
[p. 224]
dictator acciperet, se comitiis intercessuros; si3 aliorum praeterquam ipsius ratio haberetur, comitiis se moram non facere.
[6]
dictator causam comitiorum auctoritate senatus, plebis scito, exemplis tutabatur:
[7]
namque Cn. Servilio consule, cum C. Flaminius alter consul ad Trasumennum cecidisset, ex
auctoritate patrum ad plebem latum, plebemque
scivisse4 ut, quoad bellum in Italia esset, ex iis qui consules fuissent quos et quotiens vellet reficiendi consules populo ius esset;
[8]
exemplaque5 in eam rem se habere, vetus L. Postumi Megelli, qui interrex iis comitiis quae ipse habuisset consul cum C. Iunio Bubulco creatus esset; recens Q. Fabii, qui sibi continuari consulatum, nisi id bono publico fieret,
profecto numquam sisset.6
[9]
his orationibus cum diu certatum esset, postremo ita inter dictatorem ac tribunos convenit ut eo quod censuisset senatus staretur.
[10]
patribus id tempus rei publicae visum est ut per veteres et expertos bellique peritos imperatores res publica gereretur; itaque moram fieri comitiis non placere.
[11]
concedentibus tribunis comitia habita; declarati consules Q. Fabius Maximus quintum, Q. Fulvius Flaccus quartum.
[12]
praetores
inde7 creati L. Veturius Philo, T. Quinctius Crispinus, [p. 226] C. Hostilius Tubulus, C. Aurunculeius.8 magistratibus in annum creatis Q. Fulvius dictatura se abdicavit.
[13]
extremo aestatis huius classis Punica navium
quadraginta cum praefecto Hamilcare in Sardiniam
traiecta,
[14?]
olbiensem primo, dein,9 postquam ibi P. Manlius Volso praetor cum exercitu apparuit,
circumacta inde ad alterum insulae latus, Caralitanum
agrum vastavit, et cum praeda omnis generis in
Africam redit.10
[15]
sacerdotes Romani eo anno mortui aliquot suffectique: C. Servilius pontifex factus in locum T. Otacilii
Crassi; Ti. Sempronius Ti. f. Longus augur factus
in locum T. Otacilii Crassi;11
[16]
decemvir item sacris
faciundis in locum Ti. Semproni C. f. Longi Ti.
Sempronius Ti. f. Longus suffectus. M. Marcius
rex sacrorum mortuus est et M. Aemilius Papus
maximus curio; neque in eorum locum sacerdotes eo
anno suffecti.
[17]
et censores hic annus habuit L. Veturium Philonem et P. Licinium Crassum, maximum pontificem.
Crassus Licinius nec consul nec praetor ante fuerat
quam censor est factus; ex aedilitate gradum ad
censuram fecit.
[18]
sed hi censores neque senatum
legerunt neque quicquam publicae rei egerunt:
mors diremit L. Veturi; inde et Licinius censura se
[p. 228]
abdicavit.
[19]
aediles curules L. Veturius et P. Licinius12 Varus ludos Romanos diem unum instaurarunt.
aediles plebei13 Q. Catius et L. Porcius Licinus ex multaticio argento signa aenea ad Cereris14 dedere, et ludos pro temporis eius15 copia magnifice apparatos16 fecerunt.
1 inter A3JK Aldus, Froben: in P(1)N.
2 ni se drakenborch: nisi P(1)N.
3 A.U.C. 544
4 scivisse P(1)n Aldus, Froben: iussisse SpA3N3JK.
5 exemplaque SpJK Froben 2: exemplumque (or -quae) P(1)n Aldus.
6 sisset P(3): sivisset CAN1 Aldus, Froben.
7 inde A3JKx: in P: om. P2(1)n Aldus, Froben.
8 A.U.C. 544
9 dein P(1)n Froben 2: deinde JK Aldus.
10 redit P(1)N: rediit C1?M2JK Aldus, Froben.
11 factus . . . Crassi, bracketed by Madvig, while J K Aldus, Froben omit Ti. Sempronius . . . Crassi, three lines in P, found also in (1).
12 A.U.C. 544
13 plebei (or -eii) PCR: plebis M1BDANJK Aldus, Froben.
14 Cereris A.yj Aldus, Froben (also K, inserting edem= aedem): cererem N3: ceteris PCR; ceteros R2MBDAN.
15 eius SpA3JK Froben 2: huius P(1)n Aldus.
16 magnifice apparatos SpJKx Froben 2: -fici -atus P(1)n Aldus, Conway.
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.