Click on a word to bring up parses, dictionary entries, and frequency statistics
33. ibi alii maiorem adferentes tumultum
nuntii occurrunt: Dardanos in Macedoniam effusos
Orestidem iam tenere ac descendisse in Argestaeum
campum, famamque inter barbaros celebrem esse
Philippum occisum.
[2]
expeditione ea qua cum populatoribus agri ad Sicyonem pugnavit in arborem
inlatus impetu equi ad eminentem ramum cornu
alterum galeae praefregit;
[3]
id inventum ab Aetolo
quodam perlatumque in Aetoliam ad Scerdilaedum,
cui notum erat insigne galeae, famam interfecti
regis1 volgavit.
[4]
post profectionem ex Achaia regis
Sulpicius Aeginam classe profectus cum Attalo sese
coniunxit.
[5]
Achaei cum Aetolis Eleisque haud procul
Messene prosperam pugnam fecerunt. Attalus rex
et P. Sulpicius Aeginae hibernarunt.
[p. 344]
[6]
exitu huius anni T. Quinctius2 consul, dictatore3 comitiorum ludorumque faciendorum causa dicto T. Manlio Torquato, ex volnere moritur; alii Tarenti,
alii in Campania mortuum tradunt.
[7]
ita,4 quod nullo ante bello acciderat, duo consules sine memorando proelio interfecti velut orbam rem publicam reliquerant. dictator Manlius magistrum equitum
C. Servilium—tum aedilis curulis erat—dixit.
[8]
senatus quo die primum est habitus ludos magnos facere
dictatorem iussit, quos M. Aemilius praetor urbanus
C. Flaminio, Cn. Servilio consulibus fecerat et in
quinquennium voverat. tum dictator et fecit ludos
et in insequens5 lustrum vovit.
[9]
ceterum cum duo consulares exercitus tam prope hostem sine ducibus essent, omnibus aliis omissis una praecipua cura patres populumque incessit consules primo quoque tempore creandi, et ut6 eos crearent potissimum quorum virtus satis tuta a fraude Punica esset:
[10]
cum toto eo bello damnosa praepropera ac fervida ingenia imperatorum fuissent,7 tum eo ipso anno consules nimia cupiditate conserendi cum hoste manum in necopinatam fraudem lapsos esse;
[11]
ceterum deos immortales, miseritos nominis Romani, pepercisse innoxiis exercitibus, temeritatem consulum ipsorum capitibus damnasse.
1 regis P(1)n Aldus: philippi SpA3JK Froben 2: philippi regis N3
2 Quinctius, A3JK add Crispinus.
3 A.U.C. 546
4 Ita Weissenborn: id P(1)NJK Aldus, Froben: ita, id riemanr: et, id Madvig.
5 insequens P(1)n Aldus: sequens JK Froben 2.
6 et ut JK Froben 2: ut P(1)n Aldus: et N3.
7 fuissent P(1)NJK: fuisse Sp? Froben 2.
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.