Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
30. ob haec Philippo in Graeciam descendenti ad Lamiam urbem Aetoli duce Pyrrhia,
qui praetor in eum annum cum absente Attalo
creatus erat,
occurrerunt.
[
2]
habebant et ab Attalo
auxilia secum et mille1 ferme ex Romana classe a P.
Sulpicio missos.
adversus hunc ducem atque [p. 332]
has copias Philippus bis prospero eventu pugnavit;
2 mille3 admodum hostium utraque pugna occidit.
[
3]
inde cum Aetoli metu compulsi Lamiae urbis moenibus tenerent sese,
Philippus ad Phalara exercitum reduxit.
4 in Maliaco sinu is locus est,
quondam frequenter habitatus propter egregium portum tutasque circa stationes et aliam opportunitatem maritumam terrestremque.
[
4]
eo legati ab rege Aegypti Ptolomaeo Rhodiisque et Atheniensibus et Chiis venerunt ad dirimendum inter Philippum atque Aetolos bellum.
adhibitus ab Aetolis et ex finitimis pacificator Amynander rex Athamanum.
[
5]
omnium autem non tanta pro Aetolis cura erat,
ferociori quam
pro ingeniis Graecorum gente,
quam ne Philippus
regnumque eius rebus Graeciae,
5 grave libertati futurum,
immisceretur.
[
6]
De pace dilata consultatio est in concilium Achaeorum,
concilioque ei et6 locus et dies certa indicta;
interim triginta dierum indutiae impetratae.
[
7]
profectus inde rex per Thessaliam Boeotiamque Chalcidem Euboeae venit,
ut Attalum,
quem classe Euboeam petiturum audierat,
portibus et litorum adpulsu arceret.
[
8]
inde praesidio relicto adversus Attalum,
si forte interim traiecisset,
profectus ipse cum paucis equitum levisque7 armaturae Argos venit.
[
9]
ibi curatione Heraeorum Nemeorumque [p. 334] suffragiis populi ad eum delata,
quia se8 Macedonum reges ex ea civitate oriundos referunt,
9 Heraeis peractis ab ipso ludicro extemplo Aegium profectus est ad indictum multo ante sociorum concilium.
[
10]
ibi de Aetolico finiendo bello actum,
ne causa aut Romanis aut Attalo intrandi Graeciam esset.
[
11]
sed ea omnia vixdum indutiarum tempore circumacto Aetoli turbavere,
postquam et Attalum Aeginam venisse et Romanam classem stare ad Naupactum audivere.
[
12]
vocati enim in concilium Achaeorum,
in quo et eae legationes erant quae ad Phalara egerant de pace,
primum questi sunt quaedam parva contra fidem conventionis tempore indutiarum facta;
[
13]
postremo negarunt dirimi bellum posse,
nisi Messeniis Achaei Pylum redderent,
Romanis restitueretur Atintania,
Scerdilaedo et
Pleurato Ardiaei.
[
14]
enimvero indignum ratus Philippus victos victori sibi ultro condiciones ferre,
ne antea
quidem se aut de pace audisse aut indutias pepigisse
dixit spem ullam habentem quieturos Aetolos,
sed
ut10 omnes socios testes haberet se pacis,
illos belli causam quaesisse.
[
15]
ita infecta pace concilium dimisit quattuor milibus armatorum relictis ad praesidium Achaeorum et quinque longis navibus acceptis,
[
16?]
quas si adiecisset missae nuper ad se classi Carthaginiensium et ex Bithynia ab rege Prusia venientibus [p. 336] navibus,
statuerat navali proelio lacessere Romanos11 iam diu in regione ea potentes maris.
[
17]
ipse ab eo concilio Argos regressus;
iam enim Nemeorum adpetebat tempus,
quae celebrari12 volebat praesentia sua.