Click on a word to bring up parses, dictionary entries, and frequency statistics
21. actum de imperio Marcelli in circo Flaminio
est ingenti concursu plebisque et omnium ordinum;
[p. 298]
accusavitque1 tribunus plebis non Marcellum modo,2
[2?]
sed omnem nobilitatem: fraude eorum et cunctatione fieri ut Hannibal decimum iam annum Italiam provinciam habeat, diutius ibi quam Carthagine vixerit.
[3]
habere fructum imperii prorogati Marcello populum
Romanum: bis caesum exercitum eius aestiva
Venusiae sub tectis agere.
[4]
hanc tribuni orationem
ita obruit Marcellus commemoratione rerum suarum
ut non rogatio solum de imperio eius abrogando
antiquaretur, sed postero die consulem eum ingenti
consensu centuriae omnes crearent.
[5]
additur conlega
T. Quinctius Crispinus, qui tum praetor erat.
postero die praetores creati P. Licinius Crassus Dives
pontifex maximus, P. Licinius Varus, Sex. Iulius
Caesar, Q. Claudius.3
[6]
comitiorum ipsorum diebus sollicita civitas de
Etruriae defectione fuit. principium eius rei ab
Arretinis fieri C. Calpurnius scripserat, qui eam
provinciam pro praetore obtinebat.
[7]
Itaque4 confestim eo missus Marcellus consul designatus, qui
rem inspiceret ac, si digna videretur, exercitu accito
bellum ex Apulia in Etruriam transferret. eo
metu conpressi Etrusci quieverunt.
[8]
Tarentinorum
legatis pacem petentibus cum libertate ac legibus
suis responsum ab senatu est ut redirent, cum Fabius
consul Romam venisset.
[9]
ludi et Romani et plebei eo anno in5 singulos
[p. 300]
dies instaurati. aediles curules fuere L. Cornelius6 Caudinus et Ser. Sulpicius Galba, plebei C. Servilius et Q. Caecilius Metellus.7
[10]
Servilium negabant iure aut tribunum plebis fuisse aut aedilem esse, quod patrem eius, quem triumvirum agrarium occisum a
Boiis circa Mutinam esse opinio per novem8 annos fuerat, vivere atque in hostium potestate esse satis constabat.
1 -que P(1)NJK Aldus: om. Sp Froben 2, Conway.
2 A.U.C. 545
3 Claudius P(1)NJK: Claudius Flamen Froben 2 (Flaminius x Aldus); cf. p. 300, n. 5.
4 Itaque Aldus, Froben: aque PRM: atque N2(3): ita JK.
5 in Px(3)RxNJK Aldus: sin PR: om. Froben 2, Riemann, Luchs.
6 A.U.C. 545
7 et Q. Caecilius Metellus A3N3JK Aldus, Froben: om. P(1)N, one line.
8 novem c Conway: nexem P(3): decem ANJK Aldus, Froben.
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.