Click on a word to bring up parses, dictionary entries, and frequency statistics
31. suppresso impetu militum ut iis qui in
Achradinae erant transfugis spatium locusque fugae
datus est, Syracusani tandem liberi metu:
[2]
portis
Achradinae apertis oratores ad Marcellum mittunt,
nihil petentis aliud quam incolumitatem sibi liberisque suis.
[3]
Marcellus consilio advocato et adhibitis
etiam Syracusanis qui per seditiones pulsi ab domo
intra praesidia Romana fuerant,
[4?]
respondit non plura
per annos quinquaginta benefacta Hieronis quam
paucis his annis maleficia eorum qui Syracusas
tenuerint erga populum Romanum esse; sed pleraque eorum quo debuerint reccidisse, foederumque
ruptorum ipsos ab se graviores multo quam populus
Romanus voluerit poenas exegisse.
[5]
se quidem
tertium annum circumsedere Syracusas, non ut
populus Romanus servam1 civitatem haberet, sed
[p. 460]
ne transfugarum alienigenarumque2 duces captam3 et oppressam tenerent.
[6]
quid potuerint Syracusani facere, exemplo vel eos esse Syracusanorum qui intra praesidia Romana fuerint, vel Hispanum ducem
Moericum, qui praesidium tradiderit, vel ipsorum
Syracusanorum postremo serum quidem, sed forte
consilium.
[7]
sibi omnium laborum periculorumque
circa moenia Syracusana terra marique tam diu
exhaustorum nequaquam tanti eum4 fructum esse quod capere Syracusas5 potuisset.
[8]
inde quaestor cum praesidio ab Naso6 ad accipiendam pecuniam regiam custodiendamque missus. urbs7 diripienda militi data est custodibus divisis per domos eorum qui intra praesidia Romana fuerant.
[9]
cum multa irae, multa avaritiae foeda exempla ederentur, Archimeden memoriae proditum est in tanto tumultu, quantum captae terror8 urbis in discursu diripientium militum ciere poterat, intentum formis quas in pulvere descripserat, ab ignaro milite quis esset interfectum;
[10]
aegre id Marcellum tulisse sepulturaeque curam habitam, et propinquis etiam inquisitis honori praesidioque nomen ac memoriam eius fuisse.
[11]
hoc maxume modo Syracusae captae; in quibus praedae tantum fuit, quantum vix capta [p. 462]
Carthagine tum fuisset, cum qua9 viribus aequis10 certabatur.
[12]
paucis ante diebus quam Syracusae caperentur,
T. Otacilius cum quinqueremibus octoginta Uticam
ab Lilybaeo transmisit,
[13?]
et cum ante lucem portum
intrasset, onerarias frumento onustas cepit, egressusque in terram depopulatus est aliquantum agri circa
Uticam praedamque omnis generis retro ad navis
egit.
[14]
Lilybaeum tertio die quam inde profectus erat
cum centum triginta onerariis navibus frumento
praedaque onustis rediit idque frumentum extemplo
Syracusas misit;
[15]
quod ni tam in tempore subvenisset, victoribus victisque pariter perniciosa fames
instabat.
1 Romanus (i.e. R.) servam x Sigonius: reservatam P(10): -ta C.
2 alienigenarum Hertz: mercennariorum gerlach: om. P(1) Walters (also the -que of PC).
3 A.U.C. 542
4 tanti eum harant (without assuming a lacuna below): tantum P(1) Madvig, Conway.
5 here Madvig inserted potuerit, quantum, si servare: Conway (after capere), sibi contigerit, quantum si servare (two lines): Gronovius conj. quam si parcere Syracusis for quod capere Syracusas.
6 ab Naso ad Geyer: ab nassum et P(4): ad nassum et C4M3BDA: ad Nassum ad z Walters.
7 Urbs x Walters: om. P(1): Achradina Weissenborn.
8 terror Bōttcher: om. P(1): pavor Weissenborn.
9 cum qua P(1): cum (quum) Madvig.
10 A.U.C. 542
Livy. Books XXIII-XXV With An English Translation. Cambridge. Cambridge, Mass., Harvard University Press; London, William Heinemann, Ltd. 1940: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.