Click on a word to bring up parses, dictionary entries, and frequency statistics
2. sic a freto Poeni reducti frementibus Bruttiis
quod Regium ac Locros, quas urbes direpturos se destinaverant, intactas reliquissent.
[2]
itaque per se
ipsi conscriptis armatisque iuventutis suae quindecim milibus ad Crotonem oppugnandum pergunt
ire, Graecam et ipsam urbem et maritimam,
[3?]
plurimum accessurum opibus, si in ora maris urbem ac
portum1 moenibus validam tenuissent, credentes.
[4]
ea cura angebat quod neque non accersere ad auxilium Poenos satis audebant, ne quid non pro sociis
egisse viderentur et, si Poenus rursus magis arbiter
pacis quam adiutor belli fuisset, ne in libertatem
Crotonis, sicut ante Locrorum, frustra pugnaretur.
[5]
itaque optimum visum est ad Hannibalem mitti
legatos caverique ab eo ut receptus Croto Bruttiorum esset.
[6]
Hannibal cum praesentium eam
consultationem esse respondisset et ad Hannonem
eos reiecisset, ab Hannone nihil certi ablatum.
[7]
nec2 diripi volebat nobilem atque opulentam urbem et sperabat, cum Bruttius oppugnaret, Poenos nec
[p. 180]
probare nec iuvare eam oppugnationem appareret,3 eo maturius ad se defecturos.
[8]
Crotone nec consilium unum inter populares nec voluntas erat. unus velut morbus invaserat omnes Italiae civitates ut
plebes ab optimatibus dissentirent, senatus Romanis
faveret, plebs ad Poenos rem traheret.
[9]
eam dissensionem in urbe perfuga nuntiat Bruttiis: Aristomachum esse principem plebis tradendaeque auctorem urbis, et in vasta urbe lateque moenibus disiectis4 raras stationes custodiasque senatorum esse; quacumque custodiant plebis homines, ea patere aditum.
[10]
auctore ac duce perfuga Bruttii corona cinxerunt urbem acceptique ab plebe primo impetu omnem
praeter arcem cepere.
[11]
arcem optimates tenebant
praeparato iam ante ad talem casum perfugio.
eodem Aristomachus perfugit, tamquam Poenis, non
Bruttiis auctor urbis tradendae fuisset.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.