Click on a word to bring up parses, dictionary entries, and frequency statistics
34. consulibus prorogatum in annum imperium. interrex proditus1 a patribus C. Claudius2 Appi filius Cento, inde P. Cornelius Asina. in eius interregno comitia habita magno certamine
patrum ac plebis.
[2]
C. Terentio Varroni, quem sui generis hominem,
plebi3 insectatione principum popularibusque artibus conciliatum, ab Q. Fabi opibus et dictatorio imperio
concusso4 aliena invidia splendentem, volgus extrahere5 ad consulatum nitebatur, patres summa ope obstabant, ne se insectando sibi aequari adsuescerent [p. 314]
homines. Q. Baebius Herennius tribunus plebis,6 cognatus C. Terenti,
[3?]
criminando non senatum modo sed etiam augures, quod dictatorem prohibuissent comitia perficere, per invidiam eorum favorem candidate suo conciliabat:
[4]
ab hominibus nobilibus
per multos annos bellum quaerentibus Hannibalem
in Italiam adductum; ab iisdem, cum debellari
possit, fraude bellum trahi.
[5]
cum quattuor7 legionibus universis pugnari prospere8 posse apparuisset9 eo quod M. Minucius absente Fabio prospere pugnasset,
[6?]
duas legiones hosti ad caedem obiectas, deinde ex ipsa caede ereptas, ut pater patronusque appellaretur qui prius vincere prohibuisset Romanos quam vinci.
[7]
consules deinde Fabianis artibus, cum debellare possent,10 bellum traxisse. id foedus inter omnes nobiles ictum, nec fine ante belli habituros quam consulem vere plebeium, id est hominem novum, fecissent;
[8]
nam plebeios nobiles iam eisdem initiatos esse sacris et contemnere plebem ex quo contemni a patribus desierint coepisse.
[9]
cui non apparere11 id actum et quaesitum esse ut interregnum iniretur, ut in patrum potestate [p. 316] comitia essent?
[10]
id consules ambos ad exercitum12 morando quaesisse; id postea, quia invitis iis dictator esset dictus comitiorum causa, expugnatum esse, cum13 vitiosus dictator per augures fieret.
[11]
habere14 igitur interregnum eos; consulatum unum certe plebis Romanae esse,15 et populum eum liberum habiturum ac daturum ei qui mature16 vincere quam diu imperare malit.
1 interrex proditus Luchs: interreges proditius P.
2 C. Claudius Sigonius: cn. claudius P.
3 plebi aldus: plebis P.
4 concusso s concussū P.
5 extrahere ς: et extrahere P.
6 A.U.C. 537
7 quattuor crgvier: quattuor milia P.
8 pugnari prospere rtemann: pugnari P.
9 posse apparuissetς: posset apparuisse P.
10 debellare possent ς: debellare posset P: debellari posset ς.
11 non apparere id ς: non id apparere idP.
12 A.U.C. 537
13 esse cum Luchs: esse ut P.
14 habere P. Rutbens: haberet P.
16 mature kiehl: magis uere P.
Livy. Boooks XXI-XXII With An English Translation. Cambridge. Cambridge, Mass., Harvard University Press; London, William Heinemann, Ltd. 1929: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.