Click on a word to bring up parses, dictionary entries, and frequency statistics
10. his senatus consultis perfectis L. Cornelius
Lentulus pontifex maximus consulente collegium
praetore1 omnium primum populum consulendum de
[p. 232]
vere sacro censet: iniussu populi voveri non posse.2 rogatus in haec verba populus: “velitis iubeatisne haec sic fieri? si res publica populi Romani Quiritium ad quinquennium proximum, sicut3 velim eam4 salvam, servata erit5 hisce duellis, quod duellum populo Romano cum Carthaginiensi est, quaeque duella cum Gallis sunt qui cis Alpes sunt,
[3]
ratum6 donum duit populus Romanus Quiritium,7 quod ver attulerit ex suillo ovillo caprino bovillo grege, quaeque profana erunt, iovi fieri, ex qua die senatus populusque iusserit.
[4]
qui faciet, quando volet quaque lege volet facito; quo modo faxit, probe factum esto.
[5]
si id moritur quod fieri oportebit, profanum esto neque scelus esto; si quis rumpet occidetve insciens,
ne fraus esto; si quis clepsit,8 ne populo scelus esto neve cui cleptum erit;
[6]
si atro die faxit insciens, probe factum esto; si nocte sive luce, si servus sive liber faxit, probe factum esto; si antidea quam9 [p. 234] senatus populusque iusserit fieri10 faxitur, eo populus solutus liber esto.”
[7]
eiusdem rei causa ludi magni voti aeris trecentis11 triginta tribus milibus trecentis triginta tribus12 triente, praeterea bubus Iovi trecentis, multis aliis divis bubus albis atque ceteris hostiis.
[8]
votis rite nuncupatis supplicatio edicta; supplicatumque iere cum13 coniugibus ac liberis non urbana multitudo tantum sed agrestium etiam quos in aliqua sua fortuna publica quoque contingebat cura.
[9]
tum lectisternium
per triduum habitum14 decemviris sacrorum curantibus. sex pulvinaria in conspectu fuerunt: iovi ac Iunoni unum, alterum Neptuno ac Minervae, tertium Marti ac Veneri, quartum Apollini ac Dianae, quintum Volcano ac Vestae, sextum Mercurio et Cereri.
[10]
tum aedes votae: Veneri Erycinae aedem Q. Fabius Maximus dictator vovit, quia ita ex fatalibus
libris editum15 erat, ut is voveret cuius maximum imperium in civitate esset; Menti aedem T. Otacilius praetor vovit.
1 collegium praetore lipsius: collegio praetorum P.
2 A.U.C. 537
3 sicut ursinus: sic P.
4 earn urstnns: eamque P: eam esse haupt: voveamque Madvig: olim hasenmueller.
5 servata erit ursinus: seruaverit P.
6 ratum Rossbach: datum P: tum Madvig.
7 The words datum donum duit populus Romanus Qniritium stand in P before quod duellum populo. lipsius transposed them.
8 clepsit iulg.: clepset p (and below cleptum vulg.: coeptum PM: ceptum c).
9 antidea quam Luchs: antidea ac Stroth: anteidea P.
10 fieri Stroth: fieri ac P.
11 trecentis triginta tribus Budaeus（plut., Fab. 4): CCXXXIII P.
12 trecentis triginta tribus inserted by Budaeus (plut., ibid.).
13 supplicatumque iere cum Gronovius: supplicatumquiregum P.
Livy. Boooks XXI-XXII With An English Translation. Cambridge. Cambridge, Mass., Harvard University Press; London, William Heinemann, Ltd. 1929: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.