Click on a word to bring up parses, dictionary entries, and frequency statistics
[13]
quoniam quae subsidia novitatis haberes et habere posses exposui, nunc de
magnitudine petitionis dicendum videtur. consulatum petis, quo honore nemo est
quin te dignum arbitretur, sed multi qui invideant; petis enim homo ex equestri loco summum
locum civitatis atque ita summum ut forti homini, diserto, innocenti multo idem ille honos
plus amplitudinis quam ceteris adferat. noli putare eos qui sunt eo honore usi
non videre, tu cum idem sis adeptus, quid dignitatis habiturus sis. Eos vero
qui consularibus familiis nati locum maiorum consecuti non sunt suspicor tibi, nisi si qui
admodum te amant, invidere. etiam novos homines praetorios existimo, nisi qui tuo
beneflcio vincti sunt, nolle abs te se honore superari.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.