Click on a word to bring up parses, dictionary entries, and frequency statistics
[24]
Communi igitur consuetudine sermonis
abutimur, cum ita dicimus, velle aliquid quempiam
aut nolle sine causa; ita enim dicimus “sine causa”,
ut dicamus: sine externa et antecedente causa, non
sine aliqua; ut, cum vas inane dicimus, non ita loquimur, ut physici, quibus inane esse nihil placet, sed
ita, ut verbi causa sine aqua, sine vino, sine oleo vas
esse dicamus, sic, cum sine causa animum dicimus
moveri, sine antecedente et externa causa moveri, non
omnino sine causa dicimus. De ipsa atomo dici potest, cum per inane moveatur gravitate et pondere,
sine causa moveri, quia nulla causa accedat extrinsecus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.