Click on a word to bring up parses, dictionary entries, and frequency statistics
[34]
audire te arbitror, Scipio, hospes tuus avitus
Masinissa quae faciat hodie nonaginta natus annos:
cum ingressus iter pedibus sit, in equum omnino
non ascendere; cum autem equo, ex equo non
descendere; nullo imbri, nullo frigore adduci ut
capite operto sit; summam esse in eo corporis
siccitatem, itaque omnia exsequi regis officia et
munera. Potest igitur exercitatio et temperantia
etiam in senectute conservare aliquid pristini roboris.
11. ne sint1 in senectute vires: ne postulantur
quidem vires a senectute. ergo et legibus et
institutis vacat aetas nostra muneribus eis quae non
possunt sine viribus sustineri. itaque non modo
quod non possumus, sed ne quantum possumus
quidem cogimur.
1 ne sint R, Reid; non sunt LBIS, Müller.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.