Click on a word to bring up parses, dictionary entries, and frequency statistics
[91]
portenta enim
ab utrisque et flagitia dicuntur. neque enim quem Hipponactis iambus laeserat aut qui erat Archilochi versu
volneratus a deo immissum dolorem non conceptum
a se ipso continebat, nec cum Aegisthi libidinem aut
cum Paridis videmus a deo causam requirimus, cum [p. 158]
culpae paene vocem audiamus, nec ego multorum
aegrorum salutem non ab Hippocrate potius quam ab
Aesculapio datam iudico, nec Lacedaemoniorum disciplinam dicam umquam ab Apolline potius Spartae
quam a Lycurgo datam. Critolaus inquam evertit Corinthum, Carthaginem Asdrubal; hi duo illos oculos
orae maritumae effoderunt, non iratus aliqui, quem
omnino irasci posse negatis, deus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.