Click on a word to bring up parses, dictionary entries, and frequency statistics
[89]
"At non numquam bonos exitus habent
boni." Eos quidem arripimus adtribuimusque sine ulla
ratione dis inmortalibus. at Diagoras cum Samothracam venisset Atheus ille qui dicitur, atque ei quidam [p. 157]
amicus "tu, qui deos putas humana neglegere, nonne
animadvertis ex tot tabulis pictis, quam multi votis vim
tempestatis effugerint in portumque salvi pervenerint",
"ita fit" inquit, "illi enim nusquam picti sunt qui naufragia fecerunt in marique perierunt". idemque, cum
ei naviganti vectores adversa tempestate timidi et perterriti dicerent non iniuria sibi illud accidere qui illum
in eandem navem recepissent, ostendit eis in eodem
cursu multas alias laborantis quaesivitque num etiam
in is navibus Diagoram vehi crederent. Sic enim res se
habet, ut ad prosperam adversamve fortunam qualis
sis aut quem ad modum vixeris nihil intersit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.