Click on a word to bring up parses, dictionary entries, and frequency statistics
[43]
Quando enim me in hunc locum deduxit oratio, docebo meliora me didicisse de colendis diis inmortalibus
iure pontificio et more maiorum capedunculis his, quas
Numa nobis reliquit, de quibus in illa aureola oratiuncula dicit Laelius, quam rationibus Stoicorum. Si
enim vos sequar, dic quid ei respondeam qui me sic
roget: "Si di sunt * * , suntne etiam Nymphae deae? si
Nymphae, Panisci etiam et Satyri; hi autem non sunt;
ne Nymphae deae quidem igitur. at earum templa
sunt publice vota et dedicata. ne ceteri quidem ergo
di, quorum templa sunt dedicata. Age porro: Iovem
et Neptunum deum numeras; ergo etiam Orcus frater
eorum deus, et illi qui fluere apud inferos dicuntur,
Acheron Cocytus Pyriphlegethon, tum Charon tum
Cerberus di putandi.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.