Click on a word to bring up parses, dictionary entries, and frequency statistics
“
[79]
sequitur ut eadem
sit in is quae humano in genere ratio, eadem veritas
utrobique sit eademque lex, quae est recti praeceptio
pravique depulsio. ex quo intellegitur prudentiam quoque et mentem a deis ad homines pervenisse (ob eamque causam maiorum institutis Mens Fides Virtus Concordia consecratae et publice dedicatae sunt; quae qui
convenit penes deos esse negare, cum eorum augusta [p. 81]
et sancta simulacra veneremur: quod si inest in hominum genere mens fides virtus concordia, unde haec
in terram nisi ab superis defluere potuerunt?), cumque
sint in nobis consilium ratio prudentia, necesse est
deos haec ipsa habere maiora, nec habere solum sed
etiam his uti in maxumis et optumis rebus.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.