Click on a word to bring up parses, dictionary entries, and frequency statistics
“
[30]
Iam de Platonis inconstantia longum est dicere, qui in Timaeo patrem huius mundi
nominari neget posse, in Legum autem libris quid sit
omnino deus anquiri oportere non censeat. quod vero
sine corpore ullo deum vult esse (ut Graeci dicunt
ἀσώματον), id quale esse possit intellegi non potest:
careat enim sensu necesse est, careat etiam prudentia,
careat voluptate; quae omnia una cum deorum notione conprehendimus. idem et in Timaeo dicit et in
Legibus et mundum deum esse et caelum et astra et
terram et animos et eos quos maiorum institutis accepimus. quae et per se sunt falsa perspicue et inter
se vehementer repugnantia.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.