Click on a word to bring up parses, dictionary entries, and frequency statistics
[69]
quo tandem igitur gaudio adfici necesse est1 sapientis
animum cum his habitantem pernoctantemque curis!
ut, cum totius mundi motus conversionesque perspexerit
2 sideraque viderit innumerabilia caelo inhaerentia cum eius ipsius motu congruere certis infixa
sedibus, septem alia suos quaeque tenere cursus multum inter se aut altitudine aut humilitate distantia,
quorum vagi motus rata tamen et certa sui cursus spatia definiant—horum nimirum aspectus impulit illos
veteres et admonuit, ut plura quaererent; inde est3 indagatio nata initiorum et tamquam seminum, unde essent
omnia orta generata concreta, quaeque cuiusque generis vel inanimi4 vel animantis5 vel muti vel loquentis6 [p. 436]
origo, quae vita, qui interitus7 quaeque ex alio in aliud
vicissitudo atque mutatio, unde terra et quibus librata
ponderibus, quibus cavernis maria sustineantur, qua8
omnia delata gravitate medium mundi locum semper expetant,9 qui est idem infimus in rutundo.10
1 est V esset GKCRH est et K1
2 ut,quod del.Bentl.,pendet a verbis cum — curis (= so daβ). Ciceronem pergere voluisse ut, cum... perspexerit,... ipse se adgnoscat coniunctumque cum divina mente se sentiat, ex quo insatiabili gaudio compleatur cum similitudo verborum v. 9—10 et 436,5—9 tum locus gemellus leg. 1,61 declarant.
3 est enim G1
4 inanimi animi H
5 animantis inanimantis K
6 loquentes GR1V1
7 quae int. GR1V1
8 sustineantur, qua Dav sustineant. In qua X (sustineantur vel sustineat ς）
9 expectant
10 rotundo KVc?H
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.