Click on a word to bring up parses, dictionary entries, and frequency statistics
[61]
Quamquam hic quidem
tyrannus ipse iudicavit, quam esset beatus. nam cum1
quidam ex eius adsentatoribus, Damocles, commemoraret in sermone2 copias eius, opes, maiestatem dominatus, rerum abundantiam, magnificentiam aedium
regiarum negaretque umquam beatiorem quemquam
fuisse, “visne igitur” inquit,3 “o Damocle, quoniam te
haec vita delectat, ipse eam4 degustare et fortunam
experiri meam?” cum se ille cupere dixisset, conlocari5
iussit hominem in aureo lecto strato6 pulcherrimo textili stragulo, magnificis operibus picto, abacosque
compluris ornavit argento auroque caelato. tum ad
mensam eximia forma pueros delectos iussit consistere eosque7 nutum illius intuentis diligenter ministrare.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.