Click on a word to bring up parses, dictionary entries, and frequency statistics
[113]
Diodotus Stoicus caecus multos annos nostrae domi1 vixit. is vero, quod
credibile vix esset,2 cum in philosophia multo etiam
magis assidue3 quam antea versaretur et cum fidibus
Pythagoreorum more uteretur cumque ei libri noctes
et dies legerentur, quibus in studiis oculis non egebat,
tum, quod sine oculis fieri posse vix videtur, geometriae munus tuebatur verbis praecipiens discentibus,
unde quo quamque lineam scriberent.4 Asclepiadem5
ferunt, non ignobilem Eretricum6 philosophum,7 cum [p. 455]
quidam quaereret,8 quid ei caecitas attulisset,9 respondisse,10 puero ut uno esset comitatior. ut enim vel summa paupertas tolerabilis11 sit, si liceat quod quibusdam Graecis12 cotidie,13 sic caecitas ferri facile possit,
si non desint14 subsidia valetudinum.15
1 domii V (fuit domui ut v.）
2 esset est et H est Ba.
3 assidue KRH ads. GV
4 Diodotus ... 26 scriberent H
5 asclepiaden K
6 ignobilem eretricum R1 eretricum exp. et ceterorum suprascr. al. m. (R2) ignobile meretricum GKV (metricum Vb）
7 philosophum ς philosophorum X
8 quaeret G
9 adt. K
10 respondisset V
11 tollerabilis GV
13 cottidie K
14 desinit K
15 valitudinum KR
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.