Click on a word to bring up parses, dictionary entries, and frequency statistics
[2]
Quodsi talis nos natura genuisset,
ut eam ipsam intueri et perspicere eademque optima
duce cursum vitae conficere possemus, haut123 erat sane
quod quisquam rationem ac doctrinam4 requireret.5 nunc
parvulos nobis dedit igniculos, quos celeriter malis
moribus opinionibusque depravati6 sic restinguimus, ut
nusquam naturae lumen appareat. sunt enim ingeniis [p. 317]
nostris semina7 innata virtutum, quae si adolescere8 liceret,9 ipsa nos ad beatam vitam natura perduceret. nunc
autem, simul atque editi in lucem et suscepti sumus,
in omni continuo pravitate et in summa opinionum perversitate versamur, ut paene cum lacte nutricis errorem
suxisse videamur. cum vero parentibus redditi, dein10
magistris traditi sumus, tum11 ita variis imbuimur12 erroribus, ut vanitati veritas et opinioni13 confirmatae14 natura15
ipsa cedat.
1 haut V2
2 aut GK1RV1
4 rationem ac doctrinam ς ratione ac doctrina X rationedẽ V2 hac pro ac G1 et Gr.?)
5 requiret G1
6 depravati V1? e corr. Bς depravatis X
7 semita G
8 adholescere G1 adol. sed o in r. V1
9 licet in liceret corr. Rc licetret G1
10 reddit idem G redditidemr R ( et r = requireal.m.) redditidē V1 (redditi dein V2 sec. Str.） redditi idem HK (demŭ ss.2) redditi demum Gr.(?)B
11 tum ... 9 cedat Non. 416, 32
12 inb. KR
13 opinio G1
14 confirmatae ς Non. confirmata X
15 naturae K
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.