Click on a word to bring up parses, dictionary entries, and frequency statistics
[86]
Pompeio,1 nostro familiari, cum graviter
aegrotaret2 Neapoli, melius est factum. coronati Neapolitani fuerunt, nimirum etiam Puteolani; volgo ex
oppidis3 publice gratulabantur: ineptum sane negotium et Graeculum, sed tamen fortunatum. utrum igitur, si tum esset extinctus, a bonis rebus an a malis4
discessisset?5 certe a miseris.6 non enim cum socero
bellum gessisset, non inparatus7 arma sumpsisset, non
domum reliquisset,8 non ex Italia fugisset, non exercitu amisso nudus in servorum ferrum et manus incidisset, †non liberi defleti,9 non fortunae omnes a
victoribus possiderentur.10 qui, si mortem tum obisset,
in amplissimis fortunis occidisset,11 is propagatione vitae quot, quantas, quam incredibilis hausit calamitates! haec morte effugiuntur, etiamsi non evenerunt,
tamen, quia12 possunt evenire; sed homines ea sibi accidere posse non cogitant: Metelli sperat sibi quisque fortunam, proinde13 quasi aut14 plures fortunati sint15
quam infelices aut certi16 quicquam sit in rebus humanis
aut sperare sit prudentius quam timere. [p. 262]
Sed hoc ipsum concedatur, bonis rebus homines
morte privari:
1 Pompeio eqs. resp. Seneca Marc. 20
2 gravitaret egrotaret K1 (corr.c）
3 opidis KV1
4 an malls GV1 (corr.1） animalis R
5 discessis G1
6 a miseris V
7 imp. KR
8 relinquisset GR1 profugisset V3
9 defleti X (deleti V) non liberi defleti del. Bai., non lib....
10 possiderentur Hei. non essent ab omnibus bonis liberi defleti fere exp. Po. cf. Phil. 13,10 2, 64 dom. 96 al. a victoribus K2V2 auctoribus X
11 accidisset K1
12 quia exp. Vrec
13 perinde V3
14 ut V1 ut X
15 sint G
16 certi K2V2 certe X
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.