Click on a word to bring up parses, dictionary entries, and frequency statistics
[60]
itaque1 nostrum est—quod
nostrum dico, artis est—ad ea principia, quae accepimus, consequentia exquirere, quoad sit id, quod volumus, effectum. quod quidem pluris est2 haud paulo
magisque ipsum propter se expetendum quam aut
sensus aut corporis ea, quae diximus, quibus tantum
praestat mentis excellens perfectio, ut vix cogitari possit quid intersit. itaque omnis honos, omnis admiratio,
omne studium ad virtutem et ad eas actiones, quae
virtuti sunt consentaneae,3 refertur, eaque omnia, quae
aut ita in animis sunt aut ita geruntur, uno nomine
honesta dicuntur. quorum omnium quae4 sint notitiae, quae quidem5 significentur6 rerum vocabulis,
quaeque cuiusque vis7 et natura sit mox8 videbimus.
22.
1 amplius itaque BE itaque amplius RNV
2 est Thurot. (Revue critique 1870,1. semestrep.21); sunt R sit NV om. BE
3 consentanee sunt BE
4 quae Matthiae (Vermischte Schriften 1833 p. 31 sq.); queque
5 quae quidem Se. quaeque (queque) BENV que R
6 significent BE
7 cuiusque vis NV cuiusvis BE cuius vis R
8 mox p. 189, 20 sqq.
M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.