Click on a word to bring up parses, dictionary entries, and frequency statistics
[58]
Ergo hoc quidem apparet, nos ad agendum esse
natos. actionum autem genera plura, ut obscurentur
etiam minora maioribus,1 maximae autem sunt primum, ut mihi quidem videtur et iis, quorum nunc
in ratione versamur, consideratio cognitioque2 rerum
caelestium et earum, quas a natura occultatas et
latentes3 indagare ratio potest, deinde rerum publicarum administratio aut administrandi scientia, tum4
prudens, temperata, fortis, iusta5 ratio reliquaeque virtutes et actiones virtutibus congruentes, quae uno
verbo complexi omnia honesta dicimus; ad quorum
et cognitionem et usum iam corroborati natura ipsa
praeeunte deducimur. omnium enim rerum principia
parva sunt, sed suis progressionibus usa augentur,
nec sine causa; in primo enim ortu inest teneritas6
ac mollitia7 quaedam,8 ut nec res videre optimas nec
agere possint. virtutis enim beataeque vitae, quae
duo maxime expetenda sunt, serius lumen apparet,
multo etiam serius, ut plane qualia sint intellegantur.
praeclare enim Plato: “Beatum, cui etiam in senectute
contigerit, ut sapientiam verasque opiniones assequi
possit!” Quare, quoniam de primis naturae commodis
satis dictum est, nunc de maioribus consequentibusque videamus.
1 minora maioribus maioribus minoribus BE
2 cognitioque N cognitione
3 latentes iacentes R
4 scientia, tum sciendi que (ēdi que ab alt. m. in ras.) N
5 fortis, iusta Mdv. forti si iusta B E fortis. Si iusta R fortis et iusta (& in N ab alt. m. in ras.) NV
6 teneritas NV Non. temeritas BER
7 mollitia BE Non. mollities RN mollicies V
8 in primo ... moll. quaedam Non. p. 495
M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.