Click on a word to bring up parses, dictionary entries, and frequency statistics
[38]
quis autem honesta
in familia institutus et educatus ingenue non ipsa turpitudine, etiamsi eum laesura non sit, offenditur? quis
animo aequo videt eum, quem inpure ac flagitiose putet
vivere? quis non odit sordidos, vanos, leves, futtiles?
quid autem dici poterit, si turpitudinem non ipsam1 per
se fugiendam esse statuemus, quo minus homines tenebras et solitudinem nacti nullo dedecore se abstineant,
nisi eos per se foeditate sua turpitudo ipsa deterreat?
Innumerabilia dici possunt in hanc sententiam, sed non
necesse est. Nihil est enim, de quo minus dubitari possit,
quam et honesta expetenda per se et eodem modo turpia per se esse fugienda.
1 ipsam non BE
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.