Click on a word to bring up parses, dictionary entries, and frequency statistics
[79]
sed quid ages tandem, si utilitas ab amicitia, ut fit saepe, defecerit? relinquesne?
quae1 ista amicitia est? retinebis? qui convenit? quid
enim de amicitia statueris utilitatis causa expetenda
vides. “Ne in odium veniam, si amicum destitero tueri.”
Primum cur ista res digna odio est, nisi quod est turpis?2 quodsi, ne quo incommodo afficiare, non relinques amicum, tamen, ne sine fructu alligatus sis, ut
moriatur optabis. Quid, si non modo utilitatem tibi
nullam afferet, sed iacturae rei familiaris erunt faciendae, labores suscipiendi,3 adeundum vitae periculum?
ne tum quidem te respicies et cogitabis sibi quemque
natum esse et suis voluptatibus? vadem te ad mortem
tyranno dabis pro amico, ut Pythagoreus ille Siculo fecit4
tyranno? aut, Pylades cum sis, dices te esse Orestem,5
ut moriare pro amico? aut, si esses Orestes, Pyladem
refelleres, te indicares et, si id non probares, quo minus ambo una necaremini non precarere?6
25.
1 relinquesne? quae relinquens neque A1 relinquens ne que
E relinquens ne q
typography; R relinquens nequaquam N1 relinques? nequaquam N2V
2 odio est non quod est turpis n
typography (= nisi,
puncto, ut videtur, sub n posito: n) quod est|sine quo R
3 suscipiendi labores NV
4 fecit siculo tirāno R
5 Oresten A horestē R honestem V
6 non deprecarere edit. Venet. 1480
M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.