Click on a word to bring up parses, dictionary entries, and frequency statistics
[23]
quid ergo attinet dicere: 'Nihil haberem, quod
reprehenderem, si finitas cupiditates haberent'? hoc est [p. 43]
dicere: “Non reprehenderem asotos, si non essent asoti.”
isto modo ne improbos quidem, si essent boni viri.
hic homo severus luxuriam ipsam per se reprehendendam non putat, et hercule, Torquate, ut verum loquamur, si summum bonum voluptas est, rectissime non
putat.
Noli1 enim mihi fingere asotos, ut soletis, qui in mensam vomant, et qui de conviviis auferantur crudique
postridie se rursus ingurgitent, qui solem, ut aiunt, nec
occidentem umquam viderint nec orientem, qui consumptis patrimoniis egeant. nemo nostrum istius generis asotos iucunde putat vivere. mundos, elegantis,
optimis cocis, pistoribus, piscatu, aucupio, venatione,
his omnibus exquisitis, vitantes cruditatem, quibus vinum2 defusum e pleno sit chrysizon,3 ut ait Lucilius,
cui nihildum situlus et4 sacculus5 abstulerit, adhibentis
ludos et quae sequuntur, illa, quibus detractis clamat
Epicurus se nescire quid sit bonum; adsint etiam formosi pueri, qui ministrent, respondeat his vestis, argentum, Corinthium, locus ipse, aedificium—hos ergo6
asotos bene quidem vivere aut7 beate numquam dixerim.
1 noli Se. nolui N nolim rell. codd.
2 quibus vinum et q. s. cf. Lucilii carm. rell. rec. Marx. I p. 78, II p. 366 sq.
3 chrysizon Marx.; hirsizon A hrysizon vel heysizon B hrysizon E hyrsi|hon R hyrsizon N hrysiron V
4 nihildum situlus et (situlus = situla, sitella) Se. nihil (nichil BE) dum sit vis et ABE nichil dum sit viset R nichil dempsit (e vid. corr. ex u, psit in ras.) vis (post s ras.) et (in ras.) N nichil dempsit vis et V
5 sacculus ABE saculos V sarculos R, N (a ex corr. m. alt., r superscr. ab alt. m.）
6 ergo BER ego ANV
7 aut at BE
M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.