Click on a word to bring up parses, dictionary entries, and frequency statistics
[106]
sed
vobis voluptatum perceptarum recordatio vitam beatam
facit, et quidem corpore perceptarum. nam si quae sunt
aliae, falsum est omnis animi voluptates1 esse e corporis
societate. corporis autem voluptas si etiam praeterita
delectat, non intellego, cur Aristoteles Sardanapalli epigramma tantopere2 derideat, in quo ille rex Syriae glorietur se omnis3 secum libidinum voluptates abstulisse.4
Quod enim ne vivus quidem, inquit, diutius sentire poterat, quam dum fruebatur, quo modo
id potuit mortuo5 permanere? effluit6 igitur voluptas
corporis et prima quaeque avolat saepiusque relinquit causam paenitendi7 quam recordandi. itaque beatior Africanus cum patria illo modo loquens: “Desine,
Roma, tuos hostes” reliquaque praeclare: “Nam tibi [p. 81]
moenimenta8 mei peperere9 labores.”10 Laboribus hic praeteritis gaudet, tu iubes voluptatibus, et hic se ad ea
revocat, e quibus nihil umquam rettulerit ad corpus,
tu totus haeres in corpore.
Illud autem ipsum qui optineri potest, quod dicitis,11
omnis animi et voluptates et dolores ad corporis voluptates ac dolores12 pertinere?
33.
1 animi voluptates voluptas animi BE e om. A1BEN
2 tanto opere B tanta opere R
3 se omnis N se omnes BEV omnis A se causas R
4 abstulisse libidinum voluptates BE
5 mortuo potuit BE
6 effluit Se. (cf. p. 18, 19; 79, 23; inter e et f excidit ef); fluit ARNV; in B et E pro hac voce compendium est, quod in E apud Mdv. sumitur pro etc., deinde in utroque cod. littera prima in igitur solito maior et rubro colore exarata; in E praeterea spatio relicto novus versus incipit
7 penitendi
8 moenimenta RKl. monimenta AERN monumenta BV mu- nimenta Mur. (Var. lect. XI 1)
9 peperere BE repperere A reperere NV reperire R
10 Nam E namque (fuitne praeclare, nam Quae tibi ... labores!? in quo dubitari possit, utrum Ciceroni an Ennio tribuendum sit illud nam)
11 dicitis p. 24, 15—22 (—referri)
12 ad corporis voluptates ac12 dolores om. BE
13 ac et R nihilne te] nichil tene BE
M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.