Click on a word to bring up parses, dictionary entries, and frequency statistics
[2]
Nec vero habere virtutem satis est quasi artem
aliquam, nisi utare; etsi ars quidem, cum ea
non utare, scientia tamen ipsa teneri potest, virtus in
usu sui tota posita est; usus autem eius est maximus civitatis gubernatio et earum ipsarum rerum,
quas isti in angulis personant, reapse, non oratione
perfectio. Nihil enim dicitur a philosophis, quod quidem recte honesteque dicatur, quod non ab iis partum
confirmatumque sit, a quibus civitatibus iura discripta
sunt. Unde enim pietas aut a quibus religio?
unde ius aut gentium aut hoc ipsum civile quod dicitur? unde iustitia, fides, aequitas? unde pudor, continentia, fuga turpitudinis, adpetentia laudis et honestatis? unde in laboribus et periculis fortitudo?
Nempe ab iis, qui haec disciplinis informata alia moribus confirmarunt, sanxerunt autem alia legibus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.