This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
89.
[304]
Erat Hortensius in bello primo
anno miles, altero tribunus militum, Sulpicius legatus;
aberat1 etiam2 M. Antonius; exercebatur una lege iudicium
Varia, ceteris propter bellum intermissis; cui3 frequens
aderam, quamquam4 pro se ipsi dicebant oratores non illi
quidem principes, L. Memmius et Q. Pompeius, sed oratores tamen teste diserto utique5 Philippo, cuius in testimonio6
contentio et vim accusatoris habebat et copiam.
[305]
reliqui qui tum principes numerabantur in magistratibus
erant cottidieque fere a nobis in contionibus audiebantur.
Erat enim tribunus plebis tum C. Curio, quamquam is
quidem silebat, ut erat semel a contione universa relictus;
Q. Metellus Celer non ille quidem orator, sed tamen non
infans; diserti autem Q. Varius C. Carbo Cn. Pomponius,
et hi quidem habitabant in rostris; C. etiam Iulius aedilis
curulis cottidie fere accuratas7 contiones habebat. Sed me
cupidissimum audiendi primus dolor percussit, Cotta cum
est expulsus. Reliquos frequenter audiens acerrimo studio
tenebar cottidieque et scribens et legens et commentans
oratoriis8 tantum9 exercitationibus contentus non eram. Iam
consequente anno Q. Varius sua lege damnatus excesserat;
[306]
ego autem in10 iuris civilis studio multum operae dabam
[p. 1093]
Q. Scaevolae Q. F.11, qui quamquam nemini se12 ad docendum
dabat, tamen13 consulentibus respondendo studiosos audiendi
docebat14. Atque huic anno proximus Sulla consule et
Pompeio fuit. Tum P. Sulpici in tribunatu cottidie contionantis totum genus dicendi penitus cognovimus; eo-
demque tempore, cum princeps Academiae Philo cum
Atheniensium optimatibus Mithridatico bello domo profugisset Romamque venisset, totum ei me tradidi admirabili
quodam ad philosophiam studio concitatus, in quo hoc
etiam commorabar attentius—etsi rerum ipsarum varietas
et magnitudo summa me delectatione retinebat—quod
tamen sublata iam esse in perpetuum ratio iudiciorum videbatur.
[307]
occiderat Sulpicius illo anno tresque proximo trium
aetatum oratores erant crudelissime interfecti, Q. Catulus
M. Antonius C. Iulius. [Eodem anno etiam Moloni Rhodio
Romae dedimus operam et actori summo causarum et
magistro15.]
1 aberat, aberat maluit Wex.
2 M. secl. Ellendt
3 cui vulg.: qui L
4 quamquam L: cum vulg.: quoque Madvig
5 utique Jahn: uterque L: utentes uterque Buttmann
6 in testimonio secl. Weidner
7 accuratas om. BHM
8 oratoriis Corradus: oratoris L
9 tantum L: tamen Corradus
10 in add. Müller
11 Q. F. Fabricius: p. f. L
12 se add. vulg.
13 quod tamen Madvig: sed tamen L
14 docebat se G2
15 eodem... magistro secl. Bake: in §312 audacius transtulit Martha
M. Tullius Cicero. M. Tulli Ciceronis Rhetorica, Tomus II. A. S. Wilkins. Oxonii. e Typographeo Clarendoniano. 1911. Scriptorum Classicorum Bibliotheca Oxoniensis.
The Mellon Foundation provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.