[102]
Numquam agit hunc
versum Roscius eo gestu, quo potest:
nam sapiens virtuti honorem praemium, haud praedam petit:
sed abicit prorsus, ut in proximo:
set quid video? Ferro saeptus possidet sedis sacras,
incidat, aspiciat, admiretur, stupescat. Quid, ille alter
quid petam praesidi?
quam leniter, quam remisse, quam non actuose! instat enim
o pater, o patria, o Priami domus!
in quo tanta commoveri actio non posset, si esset consumpta
superiore motu et exhausta. Neque id actores
prius viderunt quam ipsi poetae, quam denique illi etiam,
qui fecerunt modos, a quibus utrisque summittitur aliquid,
deinde augetur, extenuatur, inflatur, variatur, distinguitur.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.