[202]
Hic Sulpicius,
'vere hercle,' inquit 'Antoni, ista commemoras; nam ego
nihil umquam vidi, quod tam e manibus elaberetur, quam
mihi tum est elapsa illa ipsa causa. Cum enim, quem ad
modum dixisti, tibi ego non iudicium, sed incendium tradidissem,
quod tuum principium, di immortales, fuit! qui
timor! quae dubitatio, quanta haesitatio tractusque verborum!
Ut tu illud initio, quod tibi unum ad ignoscendum
homines dabant, tenuisti, te pro homine pernecessario,
quaestore tuo, dicere! Quam tibi primum munisti ad te
audiendum viam.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.