Click on a word to bring up parses, dictionary entries, and frequency statistics
[152]
Tum Catulus 'est,' inquit 'ut dicis,
Antoni, ut plerique philosophi nulla tradant praecepta
dicendi et habeant paratum tamen quid de quaque re
dicant; sed Aristoteles, is, quem ego maxime admiror,
posuit quosdam locos, ex quibus omnis argumenti via non
modo ad philosophorum disputationem, sed etiam ad hanc
orationem, qua in causis utimur, inveniretur; a quo quidem
homine iam dudum, Antoni, non aberrat oratio tua, sive tu
similitudine illius divini ingeni in eadem incurris vestigia
sive etiam illa ipsa legisti atque didicisti, quod quidem mihi
magis veri simile videtur; plus enim te operae Graecis
dedisse rebus video quam putaramus.'
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.