Click on a word to bring up parses, dictionary entries, and frequency statistics
[18]
ratiocinatio est autem diligens et considerata faciendi
aliquid aut non faciendi excogitatio. ea dicitur inter-
fuisse tum, cum aliquid faciendi aut non faciendi certa
de causa vitasse aut secutus esse animus vide-
bitur: si amicitiae quid causa factum dicetur, si ini-
mici ulciscendi, si metus, si gloriae, si pecuniae, si
denique, ut omnia generatim amplectamur, alicuius re-
tinendi, augendi adipiscendive commodi aut contra re-
iciundi, deminuendi devitandive incommodi causa. nam
in horum genus alterutrum illa quoque incident, in
quibus aut incommodi aliquid maioris adipiscendi com-
modi causa aut maioris vitandi incommodi suscipitur
aut aliquod commodum maioris adipiscendi commodi
aut maioris vitandi incommodi praeteritur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.