Click on a word to bring up parses, dictionary entries, and frequency statistics
[114]
deinde, ne is honos nimium pervul-
getur. atque hic eius, qui contra aliquem praemium
postulantem dicet, locus erit communis: praemia vir-
tutis et officii sancta et casta esse oportere neque ea
aut cum inprobis communicari aut in mediocribus
hominibus pervulgari; et alter: minus homines vir-
tutis cupidos fore virtutis praemio pervulgato; quae
enim rara et ardua sint, ea experiendo pulchra et iu-
cunda hominibus videri; et tertius: si exsistant, qui
apud maiores nostros ob egregiam virtutem tali ho-
nore dignati sunt, nonne de sua gloria, cum pari prae-
mio tales homines affici videant, delibari putent? et
eorum enumeratio et cum iis, quos contra dicas, com-
paratio. eius autem, qui praemium petet, facti sui
amplificatio, eorum, qui praemio affecti sunt, cum suis
factis contentio.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.