Click on a word to bring up parses, dictionary entries, and frequency statistics
[97]
Hermagoras digressionem deinde, tum postremam
conclusionem ponit. in hac autem digressione ille putat
oportere quandam inferri orationem a causa atque a
iudicatione ipsa remotam, quae aut sui laudem aut ad-
versarii vituperationem contineat aut in aliam causam
deducat, ex qua conficiat aliquid confirmationis aut re-
prehensionis, non argumentando, sed augendo per
quandam amplificationem. hanc si qui partem putabit
esse orationis, sequatur licebit. nam et augendi et
laudandi et vituperandi praecepta a nobis partim data
sunt, partim suo loco dabuntur. nobis autem non
placuit hanc partem in numerum reponi, quod de
causa digredi nisi per locum communem displicet: quo
de genere posterius est dicendum. laudes autem et
vituperationes non separatim placet tractari, sed in
ipsis argumentationibus esse inplicatas.
Nunc de conclusione dicemus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.