Click on a word to bring up parses, dictionary entries, and frequency statistics
[53]
hoc modo ser-
monis plurimum Socrates usus est, propterea quod
nihil ipse afferre ad persuadendum volebat, sed ex
eo, quod sibi ille dederat, quicum disputabat, aliquid
conficere malebat, quod ille ex eo, quod iam con-
cessisset, necessario adprobare deberet.
Hoc in genere praecipiendum nobis videtur primum,
ut illud, quod inducimus per similitudinem, eiusmodi
sit, ut sit necesse concedere. nam ex quo postulabimus
nobis illud, quod dubium sit, concedi, dubium esse id
ipsum non oportebit. deinde illud, cuius confirmandi
causa fiet inductio, videndum est, ut simile iis rebus
sit, quas res quasi non dubias ante induxerimus, nam
aliquid ante concessum nobis esse nihil proderit, si
ei dissimile erit id, cuius causa illud concedi primum
voluerimus; deinde ne intellegat, quo spectent illae
primae inductiones et ad quem sint exitum perven-
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.