[28]
equidem multos et
vidi in hac civitate et audivi, non modo qui primoribus labris
gustassent genus hoc vitae et extremis, ut dicitur, digitis
attigissent sed qui totam adulescentiam voluptatibus dedidissent1,
emersisse aliquando et se ad frugem bonam, ut
dicitur, recepisse gravisque homines atque inlustris fuisse.
datur enim concessu omnium huic aliqui ludus aetati, et
ipsa natura profundit adulescentiae cupiditates. quae si
ita erumpunt ut nullius vitam labefactent, nullius domum
evertant, faciles et tolerabiles haberi solent.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.