[20]
quam rationem pari
virtute animo fide P. Sestius secutus pro mea salute, pro
vestra auctoritate, pro statu civitatis nullas sibi inimicitias,
nullam vim, nullos impetus, nullum vitae discrimen vitandum
umquam putavit; qui causam senatus, exagitatam
contionibus improborum, sic sua diligentia multitudini commendavit
ut nihil tam populare quam vestrum nomen, nihil
tam omnibus carum aliquando quam vestra auctoritas videretur;
qui me cum omnibus rebus quibus tribunus plebis
potuit defendit, tum reliquis officiis, iuxta ac si meus
frater esset, sustentavit; cuius ego clientibus, libertis, familia,
copiis, litteris ita sum sustentatus ut meae calamitatis non
adiutor solum, verum etiam socius videretur.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.