[47]
quos dimidio redderet stultiores quam acceperat; neminem
tamen adeo infatuare potuit ut ei nummum ullum crederet.
itaque cum Roma clam esset profectus multosque minutis
mutuationibus fraudavisset, in Asiam venit Hermippoque
percontanti de nomine Fufiano respondit se omnem pecuniam
Fufiis persolvisse. interim, neque ita longo intervallo,
libertus a Fufiis cum litteris ad Hermippum venit;
pecunia petitur ab Hermippo. Hermippus ab Heraclida
petit; ipse tamen Fufiis satis facit absentibus et fidem
suam liberat; hunc aestuantem et tergiversantem iudicio
ille persequitur. A recuperatoribus causa cognoscitur.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.