[16]
Sulpici, tametsi summa est, tamen
hominibus litteratis et historicis est notior, populo vero
et suffragatoribus obscurior. pater enim fuit equestri loco,
avus nulla inlustri laude celebratus. itaque non ex sermone
hominum recenti sed ex annalium vetustate eruenda memoria
est nobilitatis tuae. qua re ego te semper in nostrum
numerum adgregare soleo, quod virtute industriaque perfecisti
ut, cum equitis Romani esses filius, summa tamen
amplitudine dignus putarere. nec mihi umquam minus
in Q. Pompeio, novo homine et fortissimo viro, virtutis esse
visum est quam in homine nobilissimo, M. Aemilio. etenim
eiusdem animi atque ingeni est posteris suis, quod Pompeius
fecit, amplitudinem nominis quam non acceperit tradere et,
ut Scaurus, memoriam prope intermortuam generis sua1
virtute renovare.
Click on a word to bring up parses, dictionary entries, and frequency statistics
1 sua Halm: sui codd.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.