[76]
itaque homo integerrimus, civis optimus, cum
esset L. Pauli nepos, P. Africani, ut dixi, sororis filius, his
haedinis pelliculis praetura deiectus est. odit populus
Romanus privatam luxuriam, publicam magnificentiam diligit;
non amat profusas epulas, sordis et inhumanitatem
multo minus; distinguit rationem1 officiorum ac temporum,
vicissitudinem laboris ac voluptatis. nam quod ais nulla
re adlici hominum mentis oportere ad magistratum mandandum
nisi dignitate, hoc tu ipse in quo summa est dignitas
non servas. cur enim quemquam ut studeat tibi, ut te
adiuvet rogas? rogas tu me ut mihi praesis, ut committam
ego me tibi. quid tandem? istuc2 me rogari oportet
abs te, an te potius a me ut pro mea salute laborem periculumque
suscipias?
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.