est hoc in more positum, Quirites, institutoque maiorum,
ut ei qui beneficio vestro imagines familiae suae consecuti
sunt eam primam habeant contionem, qua gratiam benefici
vestri cum suorum laude coniungant. qua in oratione
non nulli aliquando digni maiorum loco reperiuntur, plerique
autem hoc perficiunt ut tantum maioribus eorum debitum
esse videatur, unde etiam quod posteris solveretur
redundaret. mihi, Quirites, apud vos de meis maioribus
dicendi facultas non datur, non quo non tales fuerint qualis
nos illorum sanguine creatos disciplinisque institutos videtis,
sed quod laude populari atque honoris vestri luce caruerunt.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.