[43]
quod si
vi pulsos dicimus exercitus esse eos qui metu ac tenui saepe
suspicione periculi fugerunt, et si non solum impulsu scutorum
neque conflictu corporum neque ictu comminus neque
coniectione telorum, sed saepe clamore ipso militum aut
instructione aspectuque signorum magnas copias pulsas esse
et vidimus et audivimus, quae vis in bello appellatur, ea in
otio non appellabitur? et, quod vehemens in re militari
putatur, id leve in iure civili iudicabitur? et, quod exercitus
armatos movet, id advocationem togatorum non videbitur
movisse? et volnus corporis magis istam vim quam terror
animi declarabit? et sauciatio quaeretur, cum fugam factam
esse constabit?
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.