[97]
hic te praetore Heracleo pirata cum quattuor
myoparonibus parvis1 ad arbitrium suum navigavit. pro
di immortales! piraticus myoparo2, cum imperi3 populi
Romani nomen ac fasces essent Syracusis, usque ad forum
Syracusanorum4 et ad omnis crepidines urbis accessit, quo
neque Carthaginiensium gloriosissimae classes, cum mari
plurimum poterant, multis bellis saepe conatae umquam
aspirare potuerunt5, neque populi Romani invicta ante te
praetorem gloria illa navalis umquam tot Punicis Siciliensibusque
bellis penetrare potuit; qui locus eius modi est ut
ante Syracusani in moenibus suis, in urbe, in foro hostem
armatum ac victorem quam in portu ullam hostium navem
viderint6.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.