[143]
conclamant
omnes et adprobant ita fieri oportere. refertur de Peducaeo.
Vt quisque aetate et honore antecedebat, ita sententiam
dixit ex ordine. id adeo ex ipso senatus consulto cognoscite;
nam principum sententiae perscribi solent1. recita.
'QVOD VERBA FACTA SVNT DE SEX PEDVCAEO2.' dicit qui3
primi suaserint. decernitur4. refertur deinde5 de Verre.
dic, quaeso, quo modo? 'QVOD VERBA FACTA SVNT DE
C. VERRE' —quid postea scriptum est?—'CVM SVRGERET
NEMO NEQVE SENTENTIAM DICERET'—quid est hoc?—' SORS
DVCITVR.' quam ob rem? nemo erat voluntarius laudator
praeturae tuae, defensor periculorum, praesertim cum inire
a praetore gratiam posset? nemo. illi ipsi6 tui convivae,
consiliarii, conscii, socii verbum facere non audent. in
qua curia statua tua7 stabat et nuda fili, in ea nemo fuit, ne
quem nudus quidem filius nudata provincia8 commoveret.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.